سعودی عرب نے کرسٹیانو رونالڈو اور ان کی گرل فرینڈ کیلئے شادی کے قانون میں ردوبدل کر دیا

اسلام آباد(نیوز ڈیسک) سعودی عرب نے کرسٹیانو رونالڈو اور ان کی گرل فرینڈ کیلئے شادی کے قانون میں ردوبدل کر دیا۔۔۔۔کرسٹیانو رونالڈو اور ان کی گرل فرینڈ جارجینا روڈریگز ملک میں قیام کے دوران سعودی عرب کے قانون کی خلاف ورزی کریں گے کیونکہ ان کی قانونی طور پر شادی نہیں ہوئی ہے۔

جب کہ حکام سے توقع کی جا رہی ہے کہ وہ اس بات کو درگزر کریں گے۔ پرتگالی اسٹار نے مانچسٹر یونائیٹڈ سے علیحدگی کے بعد سعودی عرب کے النصر فٹبال کلب کو جوائن کرلیا ہے۔ سعودی پرو لیگ میں شرکت کے لیے سعودی عرب میں رہنے والے فٹ بال کے آئیکون کے ساتھ، وہ مقامی قوانین کو توڑنے کے لیے تیار ہیں۔ سعودی عرب کے قانون کے مطابق جوڑے کا بغیر نکاح کے ایک ہی گھر میں رہنا منع ہے

۔ اس لیے کرسٹیانو اور جارجینا ملک میں ایک ساتھ رہ کر سعودی قانون کی خلاف ورزی کر رہے ہیں۔ تاہم حکام کی جانب سے انہیں سزا دیئے جانے کا کوئی امکان نہیں ہے۔ ماہرین قانون کے مطابق سعودی حکام کرسٹیانو رونالڈو کے اسٹارڈم اور اس سے منسلک سعودی پرو لیگ کی متوقع کامیابی کو دیکھتے ہوئے اس معاملے کو آگے بڑھانے کا انتخاب کریں گے۔ سٹار فٹبالر نے النصر کے ساتھ ڈھائی سال کے لیے معاہدہ کیا ہے،

جس سے وہ سالانہ 177 ملین پاؤنڈ وصول کر رہے ہیں۔ دوسری جانب پاکستان کرکٹ ٹیم کے فاسٹ بولر حارث رؤف نے مایا علی سمیت دوسری لڑکیوں کا دل توڑنے کی وجہ دلچسپ انداز میں بتادی۔نجی ٹی وی کے پروگراممیں بطور مہمان شرکت کرنے والے فاسٹ بولر نے میزبان تابش ہاشمی کے مزاحیہ سوالات کے جوابات دیئے۔