پاکستان کا وہ علاقہ جہاں درجہ حرارت منفی 5 ڈگری تک پہنچ گیا

اسلام آباد (مانیٹرنگ ڈیسک)اتوار کے روز ملک کے بیشترعلاقوں میں موسم سرد اور خشک جبکہ شمالی علاقوں اور شمالی بلوچستان میں شدید سرد اور مطلع جزوی ابرآلود رہے گا۔ پنجاب ،خیبرپختونخوا کے میدانی علاقوں اوربالائی سندھ میں شدید دھند پڑنےکاسلسلہ جاری رہے گا۔

محکمہ موسمیات کے مطابق پیر کے روز ملک کے بیشترعلاقوں میں موسم سرد اور خشک جبکہ بالائی علاقوں اور شمالی بلوچستان میں شدید سرد/جزوی ابر آلود رہے گا۔ پنجاب، خیبرپختونخوا کے میدانی علاقوں اور بالائی سندھ میں شدید دھند پڑنےکا سلسلہ جاری رہے گا۔خطۂ پوٹھوہاراور کشمیرکے اضلاع میں صبح کے اوقات میں چند مقامات پر کہرا/دھند پڑنے کا امکان ہے ۔گذشتہ 24 گھنٹے کا موسم ملک کے بیشترعلاقوں میں موسم خشک اورسرد جبکہ بالائی علاقوں اور شمالی بلوچستان میں موسم شدید سرد رہا۔

پنجاب کے میدانی علاقے شدید دھند کی لپیٹ میں رہے۔آج ریکارڈکیےگئےکم سےکم درجہ حرارت:لہہ منفی15 ، اسکردو منفی 12،کالام ، استور منفی 08، قلات ،گوپس،ہنزہ منفی 07،گلگت منفی 06، کوئٹہ، زیارت منفی 05،چترال، دیر اور مالم جبہ میں منفی 04ڈگری سینٹی گریڈ ریکارڈ کیا گیا۔