چاہت فتح علی خان کی متھیرا کیساتھ غیر اخلاقی حرکت، ویڈیو وائرل ہو گئی
ویب ڈیسک: مشہور پاکستانی انٹرٹینر چاہت فتح علی خان جو اکثر اپنے منفرد انداز اور میڈم نور جہاں کے گانے “اکھ لڑے بدو بدی” کے مزاحیہ انداز میں پیش کرنے کے لیے جانے جاتے ہیں، حال ہی میں ماڈل و میزبان متھیرا کے ساتھ شو میں شرکت کے بعد شدید تنقید کی زد میں ہیں۔
اداکارہ متھیرا نے شو کے ایک منظر کے پس پردہ ویڈیو اپنے آفیشل فیس بک پیج پر شیئر کی تھی، ویڈیو میں چاہت کو متھیرا کے قریب جاتے ہوئے اور ان کے ساتھ تصویر لینے کی درخواست کرتے دیکھا گیا، تاہم انہیں متھیرا کے ساتھ نامناسب رویے پر کڑی تنقید کا سامنا کرنا پڑ رہا ہے۔
ویڈیو میں دکھایا گیا کہ” بدو بدی “اور دیگر بے سرے گانوں سے لوگوں کی توجہ سمیٹنے والے چاہت فتح علی خان نے متھیرا سے ملاقات کے دوران ان کے ساتھ تصویر کھنچوانے کی فرمائش کی۔
تصویر بنواتے وقت متھیرا تھوڑی غیر مطمئن نظر آئیں لیکن انہوں نے منع نہیں کیا، اسی دوران چاہت فتح علی نے مصافحہ کرتے ہوئے اپنا دوسرا ہاتھ متھیرا کی کمر پر رکھ دیا۔
اس ویڈیو پر سوشل میڈیا صارفین نے شدید ردعمل دیا۔ ایک صارف نے لکھا، ’ چاہت فتح علی خان، متھیرا کو ان کمفرٹیبل کرنے کی کوشش کر رہے تھے‘۔ جبکہ دوسرے نے کہا، ’ متھیرا کبھی اتنی غیر محفوظ اور خوفزدہ نہیں لگیں جتنی اس ویڈیو میں نظر آئیں‘۔
کئی صارفین نے چاہت کے رویے کو پیشہ ورانہ ماحول میں نامناسب قرار دیا خاص طور پر ایک خاتون میزبان کے ساتھ اس حرکت پر شدید تنقید کی گئی۔